Amjad islam amjad

 

کہنے کو میرا اُس سے کوئی واسطہ نہیں 

امجد مگر وہ شخص مجھے بُھولتا نہیں

ڈرتا ہُوں آنکھ کھولوں تو منظر بدل نہ جائے

میں جاگ تو رہا ہُوں مگر جاگتا نہیں

آشفتگی سے اُس کی اُسے بے وفا نہ جان

عادت کی بات اور ہے دِل کا بُرا نہیں

تنہا اُداس چاند کو سمجھو نہ بے خبر

ہر بات سُن رہا ہے مگر بولتا نہیں

خاموش رَتجگوں کا دُھواں تھا چہار سو

نِکلا کب آفتاب مجھے تو پتا نہیں

امجد وہ آنکھیں جھیل سی گہری تو ہیں مگر

اُن میں کوئی بھی عکس مِرے نام کا نہیں

امجد اسلام امجد